نشر الإعلامي سمير الوافي تدوينة على حسابه الشخصي بالفايسبوك أعرب فيها عن تعاطفه مع زميله علاء الشابي بعد الإعلان عن مرضه.
واعتبر الوافي بأن الشابي تسرع في الإعلان عن المرض مؤكدا انه اتصل به هاتفيا و ان حالته لا تستدعي القلق.
وفي ما يلي نص التدوينة:
بربي سيبوه علاء وما تزيدوش عليه…باهي أنو واحد يدعيلو ويتمنالو الشفاء ويعبر على محبتو ليه…أو يتصل بيه ويسأل عليه…لكن عيب توصل الحكاية للفيديوات وكشف أسرار المرض وتفاصيل حالتو والتهويل والدموع الاستعراضية قدام الناس…ياخي لازم تبكي في فيديو وتحكي على تفاصيل خاصة تهم حرمة مريض !!!؟…
العلاج يبدا بالمورال موش بتطييح المورال…وعلاء لاباس وموش في مرحلة متقدمة ولا خطيرة…وبقدرة ربي يخرج أقوى ويتجاوز المرض…وموش من أخلاقي نحكي اللي يقولهولي هو أو عايلتو فمة حاجة إسمها حرمة المريض…
اللي نأكدو أن حالته ليس ميؤوسا منها…والأمل كبير…وأنا متفائل…لكن فمة عباد تجاوزت الحدود في عدم احترام حرمة المريض…حتى لو كان ذلك عن حسن نية…عيب !
