دعا الأمين العام لحزب الاتحاد الشعبي الجمهوري لطفي المرايحي، الاثنين 31 أكتوبر 2022، إلى الإيقاف الفوري للاتفاق مع صندوق النقد الدولي.
وقال المرايحي في تصريح لـ “إي أف أم”:” توقف على حكاية صندوق النقد الدولي نقلو ستوب نمشي نسيب دبلوماسية حقيقة ماهوش حتى التاس الموجودين اليوم في السلطة، فما برشا ناس موجودين في تونس كفاءات وشخصيات محترمة تعرف تتكلم وانجم نوفدها إلى بلدان مختلفة وتمشي هاذيا الناس الكل بش تشوف شراكات وتشوف عقود وتنشط الدبلوماسية التونسية، يعني ما عادش عندي وزير خارجية واحد يولي عندي يمكن 100 وزير خارجية نبعثهم الناس الكل هاذوما للأصقاع الكل، ثم في نفس الوقت سياسية حمائية على المنتوجات في بعض البلدان مانيش البلدان الكل بش ندخل في عداء معاها، اللي هي ما نصدرلها في حتى شي، ونسيب هاذيا حكاية استقلالية البنك المركزي نجمدها توة ونسيب سياسة للإنفاق بالدينار بش نخلق أمل للناس ونخلق ديناميكية والموسم الفلاحي راهو مقدم على وضع مزري مش بش يعطيني النتائج متاعو، الاهتمام، ما نخليش شبر في تونس اليوم ما يتحرثش ونعاود الخارطة الفلاحية لأنو هام جدا اليوم شنوة بش نزرعوا ووين بش نزرعوه يلزم الموسم الجاي يكون موسم استثنائي بش يقلصلي في شكل كبير من العجز في الميزان التجاري متاعي”.
