نبيل والقاضي
نبيل القروي: سيدي الرئيس أنا راجل وطني وما عنديش سوابق وعمري 56 عام وبطاقة عدد 3 متاعي نظيفة…
القاضي: ايه كلامك صحيح… انت عديت 56 عام من عمرك ما عملتش حتى جريمة، وبعد عملت الجرائم الكل مع بعضهم…
نبيل القروي: سيدي الرئيس ورحمة خليل هذيكا كلها افتراءات وتصفية حسابات سياسية…
القاضي: تحب تقلي الي أنا نمشي بالتعليمات السياسية ؟؟؟؟
نبيل قروي: حاشاك سيدي الرئيس…مش هذا قصدي…
القاضي: اسمعني يا سي نبيل… الدوسي متاعك فيه 700 صفحة … عديت جمعة وانا نقرا فيه ليل ونهار بتمعن وتركيز كبير، وحاولت نلقالك مخرج… وكيما تعرف قاضي التحقيق كيما يلوّج على أدلة الإدانة… كذلك يلوج على أدلة تبرّئك…لكن للأسف الأدلة والبراهين والقرائن والوثائق الي قدامي كلها تدينك…
نبيل القروي: باهي سيدي الرئيس وكيف الشعب التونسي ينتخبني رئيس شنو موقفكم وقتها ؟؟؟
القاضي: يا راجل القضاء كيما الأستاذ الي يصلّح اختبارات الباك بالضبط … ما يراش اسم التلميذ …والقضاء ما عالبلوش الي البلاد فيها انتخابات أصلا، والقضاء يتعامل مع ملفات، وما يهموش اسم صاحب الملف أو مكانته الاجتماعية…ونزيدك حاجة بيناتنا !!! لو الشعب التونسي يطّلع على ملفك تو يصدمو عليك للحبس وعينك ما تشوف كان النور… 😂😂😂
ايّا هزوه… ودخّل الي بعدو….😇(منقول)
