تراجع الممثل أحمد الأندلسي عن الانفصال عن زوجته بعد اعلانه في وقت سابق عن البدء في إجراءات الطلاق بالتراضي اثر زواج دام 10 سنوات.
و كان الأندلسي قد أعلن في تدوينة على صفحته بموقع التواصل الاجتماعي ”فيسبوك”، أنه “بعد أخذ ورد وبعد تفكير عميق جدا خذينا برشا وقت باش ناخذو قرارنا الي فيه الخير لينا ولولدنا خاصة قررنا أنا وسامية الطلاق بالتراضي الله غالب حاولنا نكملو لكن فهمنا الي موش الحب كل شيء في الدنيا فما حاجات أهم برشا مالحب صحيح حبينا بعضنا برشا وعدينا 10 سنين بحلوها ومرها رينا برشا باهي ورينا برشا خايب قاومنا وكبشنا في بعضنا والناس لقراب يعرفو التفاصيل الكل ويعرفو التضحيات الي صارت مالشيرتين ومن غير ماندخلو في التفاصيل لكن حكم ربي هذا ومكتوب …… يقول القايل علاش تعلنو في الطلاق ومزال ماتمش على خاطر فما برشا هزان وجيبان كلام بالفارغ وباش تكون الاومور واضحة للناس الكل وأكهو ………اليوم أوفى مكتوبنا وباش نبداو في إجراءات الطلاق وربي إوجها في الخير انشاء الله وتكون ام صالحة ليوسف ولدي …….وعسى ان تكره شيء وهو خير لكم …….والحمد لله والشكر لله ولاحول ولا قوة الا بالله الحياة تستمر”.
