كشفت الممثلة وأستاذة مسرح أسماء ثابت اليوم الاربعاء 30 أكتوبر 2019، عن تعرّضها للتّحرّش من قبل الاعلامي وصاحب قناة الحوار التونسي سامي الفهري.
وقالت في تدوينة على حسابها الرسمي فيسبوك : “سامي الفهري تحرش بي جنسيا وحاول مراودتي باش نعمل معاه علاقة جنسية لما كنت طالبة في المعهد العالي للفن المسرحي…وكان ذلك بعد نجاح الجزء الاول من مسلسل مكتوب..وعاطف بن حسين شاهد على ذلك …وقتها في عهد بن علي وهو شريك الطرابلسية والبريمة يعرضلو…اعلمته بانني ابنة اخ صديقه عادل الثابت اللي كان يجي لدارو رفقة زوجته وياكل في دارو في غار الملح ويمشي يحوس في يختو لما كان منشط في اخر قرار وماكانش عندو يخت …مشى فيبالي باش يحشم على روحو لكنه تمادى وواصل في التحرش واصر عليه رغم ذلك...اعلمت العائلة ووريت ميساجاتو لعمتي وقتها…
كتبتلو على حيط فايسبوكو ..كل حد شيطانو في مكتوبو…لانه كان يتخيل اللي حلمي كممثلة اني نكون في مسلسله مكتوب ومن اجل ذلك ممكن نرقد معاه…
العديد ممن اشتغلوا معه على علم بالموضوع …ووقتها قالولي سكران ماتاخوش عليه…
ماسامحتوش رغم اني حاولت ورغم ان الكثيرين حاولوا يقنعوني اللي هو يزيه ماتمرمد في الحبس والتسامح من شيم الكبار وهاك الريق…
دعاني مرتين باش نشارك في كاستينغات عن طريق اصدقاء مشتركين …ذهبت وقابلت الاصدقاء اللي يخدموا معاه وقتها وماخذة في خاطرهم عملت تاست كاميرا ولم اقابله في المرتين.. ونتذكر اللي شربت قهوة مع نصر الدين السهيلي وحكينا في الموضوع برشا وفسرتلو موقفي وتاسف لذلك وساندني…لم اكن مقتنعة ابدا انني انجم نخدم معاه وانجم ننسى القذارة اللي تصرف بيها معايا..
هو من الاسباب اللي خلاتني نبعد عالتلفزة ونكرهها وننغمس في التدريس والمسرح…
ممكن ينكر وممكن يكون نسى ..لانني متاكدة ان ضحاياه برشا…لكنني اني مانسيتش…
ومانيش مسامحة وفرحانة بقرار منعه من السفر ونستنى نفرح اكثر بسجنه.“
