كشف أحد الأعضاء المطرودين من جمعية خليل تونس عن طرق استعملها مدير قناة نسمة نبيل القروي للتحيل على المؤسسات وعلى فئات هامة من المواطنين الفقراء والبسطاء، جنى منها أموالا طائلة.
وهذا ما نقله المعني بالأمر عن نبيل القروي.
منقول من احد المطرودين من جمعية خليل تونس
“طيلة عامين كاملين نخدموا على objectif واحد وهو بيع مليون رقم nessma mobile وقتها ناخذو 2 مليار من عند اوريدو…”
وقع توزيع 500 الف رقم على الفقراء في المناطق الحدودية في جندوبة و الكاف وباجة وسليانة ونابل وعديد الولايات الاخري وشحن كل رقم ب 2000 ملم كل شهر ( هذا عقد مع اوريدو طيلة عامين ) تعطيك اوريدو 1 مليار.
نبيل القروي و خوه عملو شركة centre appel في المركز العمراني الشمالي اسمو ACTUMOBILE عامل عقد مع جمعية خليل تونس لمتابعة الفقراء و المساكين …لكن مع جملة ضرورية واكيدة و هي سي نبيل يسلم عليك و يقلك انا موجود ماتخافش مالفقر و الجوع وقلي شنو تستحق توة نبعثلك …
بعدها عمل شركة de service اسمها khalilmo موجودة في 7 ولايات تتعامل مع شركات نقل بين الولايات ..
نفس centre appel يكلم في مواطنين بالخارج و الداخل باش يقنعوهم يتصدقوا عالفقراء والمساكين مع توفير مقطع فيديو يوثق ذلك و بالطبيعة كلوا يرجع لسي نبيل و جمعية خليل تونس الذي خصص فقرة يومية في قناة نسمة لذلك
الراجل ضرب من اووريدو 3 مليارات و العباد اكثر من 2 مليارات ..وهو متهرب من الضرائب لاكثر من 7 شركات بين قارة ووهمية بكلفة اكثر من 17 مليار …
هو عارف انو يمكن يجي نهار و يخلص الفاتورة … لكن قاري حسابو مليح الي ما تعرفوهش انو محضر للرئاسية من قبل عامين و في صورة صارت حاجة مغايرة ..عندو 7 مكاتب في الولايات معاه باندية و فصايل ينجموا يحرقوا البلاد كاملة … مع حب الفقراء ليه الي يتصل بيهم centre appel كل مرة باش يقوللهم سي نبيل رئيس تونس يسلم عليكم …
